616 965 150 info@espaums.com

Blog de l'Associació

ETH LOGOTIPE DERA ASSOCIACION

 

NAU LOGOTIPE ASSOCIACION ES PAUMS
Auem actualizat era imatge deth logotipe dera nòsta Associacion, en tot renauir-lo e en tot dar-li mès visibilitat e color.
Eth nau logotipe ei ua evolucion deth logotipe originau dera orquèstra Es Paums, en eth qu’ei basat.
Eth tèxte hè allusion a Es Paums, eth plurau de eth paom (Tetrao Urogallus) un audèth iconic dera fauna dera Val d’Aran. Era Associación preten èster tanben ua icòna dera musica, era lengua e era cultura araneses, atau coma ac indique eth tèxte dera legenda que i a ath dejós deth logotipe.
Ena part quèrra, dessús deth nòm apareishen sies crotzes occitanes, en tot hèr referéncia ara occitanitat dera Associacion e en tot representar as sies Terçons en qu’ei dividida era Val d’Aran.
Ena part dreta, dejós deth nòm apareishen sies crotzes occitanes mès en allusion as sies pòbles que formen eth Terçon de Lairissa, sedença dera Associacion.
Jos er « Es” deth nòm apareish era legenda Vilamòs des de 1974 en tot hèr referéncia ar an e lòc de fondacion d‘Es Paums.
En tot coronar era letra « P” de Paums apareish eth barret tipic aranés en color nere que se conserve enes vestits tipics des Grops de Dances Tradicionaus araneses.
Ara dreta deth barret apareishen tres flòcs de nhèu, element atmosferic de grana importància en Aran.
Era adaptacion deth nau logotipe ei òbra der artista grafic C.Bauhouse, membre dera Associacion Es Paums.

Leave a Reply

Tu dirección de correo electrónico no será publicada. Los campos obligatorios están marcados con *